٣٧٦٢٦۔۔۔” مسند ابن عباس “ ابن عباس (رض) کی روایت ہے کہ رسول کریم (صلی اللہ علیہ وآلہ وسلم) نے ارشاد فرمایا : میرے رب تعالیٰ نے میرے اہل بیت کے تین افراد میں سے مجھے منتخب کیا ہے ان تینوں کا سرادار اور اولاد آدم کا سردار ہوں اور اسمیں کوئی فخر نہیں اللہ تعالیٰ نے مجھے علی بن ابی طالب حمزہ بمن عبدالمطلب اور جعفر بن ابی طالب کو منتخب کیا ہے ایک مرتبہ ہم ابطح میں سو رہے تھے اور ہم میں سے ہر شخص نے چادر سے سرڈھانپ رکھا تھا علی میری دائیں جانب تھا جعفر میری بائیں جانب اور حمزہ (رض) میرے پاؤں کی طرف سو رہے تھے مجھے نیند سے فرشتوں کے ہلکے ہلکے پروں اور علی کے بازو کی ٹھنڈک جو کہ میرے رخسار کے نیچے تھا جگادیا میں بیدار ہوگیا جبکہ جبرائیل تین فرشتوں کے ساتھ تھے فرشتوں میں سے ایک نے جبرائیل سے کہا : اے جبرائیل ! ان چار میں سے کس کی طرف تمہیں بھیجا گیا ہے ؟ جبرائیل نے اپنا پاؤں مجھے مارا اور کہا اس کی طرف مجھے بھیجا گیا ہے یہ اولاد آدم کا سردار ہے فرشتے نے پوچھا : اے جبرائیل ! یہ کون ہے ؟ جبرائیل (علیہ السلام) نے فرمایا : یہ محمد بن عبداللہ ہے جو انبیاء کا سردار ہے یہ علی بن ابوطالب ہے اور یہ حمزہ بن عبدالمطلب سیدالشہداء ہے اور یہ جعفر ہے اس کے دوپر ہیں جن سے یہ جنت میں اڑے گا جہاں چاہے گا۔ (رواہ یعقوب سان سفیان والخطیب وابن عساکر)
کلام :۔۔۔ حدیث ضعیف ہے چونکہ اس کی سندیں عبالعہ ربعی ہے جو غالی شیعہ ہے۔