٣٧٦٥٢۔۔۔ سودہ بنت مسرح کندیہ کی روایت ہے کہ میں بھی ان عورتوں میں شامل تھی جو فاطمہ (رض) کے دردزہ کے وقت ان کے پاس موجود تھیں چنانچہ نبی کریم (صلی اللہ علیہ وآلہ وسلم) تشریف لائے اور فرمایا : فاطمہ (رض) کا کیا حال میری بیٹی کا کیا حال ہے میں اس پر قربان جاؤں ؟ میں نے عرض کیا : یارسول اللہ ! وپ تکلیف میں ہے فرمایا : جب بچہ جنم دے دے مجھے بتانے سے پہلے کچھ نہیں کرنا۔ سودہ (رض) کہتی ہیں : فاطمہ (رض) نے بچہ جنم دیا : میں نے بچے کی ناف کاٹی اور بچے کو زردرنگ کے کپڑے میں لپیٹ لیا۔ اتنے میں رسول اللہ (صلی اللہ علیہ وآلہ وسلم) تشریف لائے اور فرمایا میری بیٹی کا کیا ہوا میں اس پر فدا جاؤں اس کا کیا حال ہے وہ کیسی ہے ؟ میں نے عرض کیا : یارسول اللہ ! اس نے بچہ جنم دیا ہے اور میں نے اس کی ناف کاٹ دی ہے اور اسے زردرنگ کے کپڑے میں لپیٹ دیا ہے۔ آپ نے فرمایا : تم نے میری نافرمانی کی میں نے عرض کیا : میں اللہ تعالیٰ اور اس کے رسول اللہ (صلی اللہ علیہ وآلہ وسلم) کی معصیت سے پناہ مانگتی ہوں۔ یارسول اللہ ! میں نے اس کی ناف کاٹی ہے اور اس کے علاوہ میرے پاس اس کا کوئی چارہ کار نہیں تھا فرمایا : اسے میرے پاس لاؤ ۔ بچہ لیکر میں حاضر ہوئی آپ نے زردرنگ کا کپڑا پھینک دیا اور بچہ سفید کپڑے میں لپیٹا اور اس کے منہ میں لعاب ڈالا۔ پھر فرمایا : میرے پاس علی کو بلالاؤ میں علی (رض) کو بلا لائی آپ نے علی (رض) سے پوچھا : اے علی اس کا نام کیا رکھا ہے ؟ عرض کیا : یارسول اللہ جعفر نام رکھا ہے فرمایا نہیں بلکہ اس کا نام حسن ہے اور اس کے بعد حسین ہے اور تو ابوالحسن والحسین ہے (رواہ ابن مندہ و ابونعیم وابن عساکر ورحالہ ثقات)