٣٧٦٦٢۔۔۔ حضرت حسین بن علی (رض) کہتے ہیں : میں حضرت عمر بن خطاب (رض) کے پاس منبر پر چڑھ گیا اور میں نے عمر (رض) سے کہا : میرے باپ کے منبر سے نیچے اترجاؤ اور اپنے باپ کے منبر پر چڑھ جاؤ عمر (رض) نے فرمایا : میرے باپ کا کوئی منبر نہیں ہے عمر (رض) نے مجھے اپنے پاس بٹھالیا جب منبر سے نیچے اترے مجھے اپنے ساتھ اپنے گھر لے گئے اور فرمایا : اے بیٹے ! تمہیں یہ بات کس نے سکھائی ہے میں نے جواب دیا : مجھے کسی نے نہیں سمجھائی عمر (رض) نے فرمایا : اے بیٹے اگر تم ہمارے پاس آؤ اور ہمارے ساتھ کھانا کھاؤ۔ حسین (رض) کہتے ہیں : ایک دن میں عمر (رض) کے گھر پر آیا حضرت عمر (رض) معاویہ (رض) کے ساتھ تنہائی میں بیٹھے ہوئے تھے جبکہ دروازے پر ابن عمر (رض) تھے : ابن عمر (رض) نے مجھے اندرجانے کی اجازت نہ دی میں واپس لوٹ کیا اس کے بعد حضرت عمر (رض) کی مجھ سے ملاقات ہوئی اور فرمایا : اے بیٹے تم ہمارے پاس کیوں نہیں آئے میں نے جواب دیا : میں آیا تھا لیکن آپ معاویہ (رض) کے ساتھ بیٹھے ہوئے تھے میں نے دروازے پر ابن عمر کو دیکھا میں واپس لوٹ آیا فرمایا : تم عبداللہ بن عمر کی بنسبت اجازت کے زیادہ حقدار ہو ہمارے سروں پر جو کچھ اللہ تعالیٰ نے اگایا ہے وہ تم دیکھ رہے ہو اور تم ہی ہو عمر (رض) نے اپنے سر پر ہاتھ رکھا۔ (رواہ ابن سعد وابن راھویہ والخطیب)