٣٧٦٦٦۔۔۔ مطلب بن عبداللہ بن حنطب، ام سلمہ (رض) سے روایت نقل کرتے ہیں : ام سلمہ (رض) کہتی ہیں ایک دن نبی کریم (صلی اللہ علیہ وآلہ وسلم) میرے گھر بیٹھے ہوئے تھے اور آپ نے فرمایا : میرے پاس کوئی نہ داخل ہونے پائے میں انتظار میں بیٹھ گئی۔ چنانچہ حسین (رض) داخل ہوئے اور میں نے نبی کریم (صلی اللہ علیہ وآلہ وسلم) کی دردبھری رونے کی آواز سنی میں نے چھانک کر دیکھا چنانچہ حسین (رض) آپ کی گود میں تھے یا آپ کے پہلو میں بیٹھے ہوئے تھے آپ حسین (رض) کے سرپردست شفقت پھیر رہے تھے اور ساتھ ساتھ رو رہے تھے آپ نے فرمایا : جبرائیل امین ہمارے پاس تھے انھوں نے کہا : کیا تم اس سے محبت کرتے ہو ؟ میں نے کہا : رہی بات دنیاوی محبت کی سو میں کرتا ہوں فرمایا : عنقریب تمہاری امت اسے (حسین (رض) کو) ایسی سرزمین میں قتل کرے گی جسے کربلا کہا جاتا ہے جبرائیل امین نے کربلا کی مٹی اٹھائی اور نبی کریم (صلی اللہ علیہ وآلہ وسلم) کو دکھلائی چنانچہ واقعہ کربلا کے دوران جب حضرت حسین (رض) کا محاصرہ کرلیا گیا تو انھوں نے لوگوں سے پوچھا : اس سرزمین کا نام کیا ہے ؟ لوگوں نے جواب دیا : یہ سرزمین کربلاء ہے فرمایا : رسول اللہ (صلی اللہ علیہ وآلہ وسلم) نے سچ فرمایا ہے یہ سرزمین کرب وبلاء (دکھ تکلیف آور آزمائشوں سے پر) ہے۔ (رواہ ابن ماجہ والطبرانی وابو نعیم)