٣٧٦٩٢۔۔۔ حضرت علی (رض) فرماتے ہیں جب حسن (رض) پیدا ہوا میں نے اس کا نام حرب رکھا اتنے میں رسول اللہ (صلی اللہ علیہ وآلہ وسلم) تشریف لائے اور فرمایا : میرے پاس میرا بیٹا لاؤ تم نے اس کا نام کیا رکھا ہے ؟ میں نے عرض کیا : میں نے اس کا نام حرب رکھا ہے آپ نے فرمایا : بلکہ اس کا نام حسن ہے۔ جب حسین (رض) پیدا ہوا میں نے اس کا نام حرب رکھا اتنے میں رسول اللہ (صلی اللہ علیہ وآلہ وسلم) تشریف لائے اور فرمایا : مجھے میرا بیٹا دکھاؤ اور تم نے اس کا نام کیا رکھا ہے ؟ میں نے عرض کیا : میں نے اس کا نام حرب رکھا ہے آپ نے فرمایا : بلکہ اس کا نام حسین ہے جب تیسرا بیٹا پیدا ہوا میں نے اس کا نام حرب رکھا آپ (صلی اللہ علیہ وآلہ وسلم) تشریف لائے اور فرمایا : میرا بیٹا مجھے دکھاؤ اور اس کا نام کیا رکھا ہے میں نے عرض کیا : حرب آپ نے فرمایا : بلکہ اس کا نام محسن ہے پھر فرمایا : میں نے ان کے نام ہارون (علیہ السلام) کے بیٹوں کے ناموں پر رکھے ہیں ان کے نام شبر شبیر اور مشبر تھے۔ (رواہ الطبرانی)
کلام :۔۔۔ حدیث ضعیف ہے دیکھئے ضعیف الادب ١٣٣۔