٣٧٦٩٨۔۔۔” مسند خباب ابی السائب “ ضباب ابوسائب (رض) کہتے ہیں میرے ان دوکانوں نے سنا اور میری ان دو آنکھوں نے دیکھا کہ رسول اللہ (صلی اللہ علیہ وآلہ وسلم) نے حسن (رض) یاحسین (رض) کو اپنے دونوں ہاتھوں سے پکڑ رکھا تھا اور ان سے دونوں قدم رسول اللہ (صلی اللہ علیہ وآلہ وسلم) کے قدموں پر تھے آپ فرما رہے تھے : چھوٹے چھوٹے قدموں والے چھوڑ چھوٹی آنکھوں والے اوپر چڑھ جاؤ وہ لڑکا آپ کے کاندھے پر چڑھ گیا حتیٰ کہ اس کے پاؤں رسول اللہ (صلی اللہ علیہ وآلہ وسلم) کے سینہ مبارک کے پاس تھے پھر آپ نے اس سے فرمایا : اپنا منہ کھولو پھر آپ نے اسے بوسہ دیا فرمایا : یا اللہ میں اس سے محبت کرتا ہوں تو بھی اس سے محبت کر۔ (رواہ الطبرانی عن ابوہریرہ )