٣٧٧٠٣۔۔۔” ایضا “ عبداللہ بن شداداپنے والد سے روایت نقل کرتے ہیں کہ ایک مرتبہ رسول کریم (صلی اللہ علیہ وآلہ وسلم) مغرب عشاء ظہر عصر میں سے کسی ایک نماز کے لیے تشریف لائے اور آپ نے حسن (رض) یا حسین (رض) کو اٹھا رکھا تھا نبی کریم (صلی اللہ علیہ وآلہ وسلم) آگے تشریف کے گئے اور بچے کو اپنے قریب ہی بیٹھا دیا پھر آپ نے تکبیر کی اور دوران نماز ایک سجدہ بہت طویل کردیا میں نے جو سر اٹھا کر دیکھا کیا دیکھتا ہوں کہ بچہ آپ کی کمر پر چڑھا ہوا ہے میں دربارہ سجدے میں چلا گیا جب رسول اللہ (صلی اللہ علیہ وآلہ وسلم) نے نماز پوری کی لوگوں نے عرض کیا : یارسول اللہ ! آپ نے بہت طویل سجدہ کیا ہے حتیٰ کہ ہم سمجھے کہ آپ پر وحی نازل ہورہی ہے یا کوئی حادثہ پیش آگیا ہے آپ نے فرمایا : اس میں سے کچھ بھی نہیں ہوا لیکن میرا بیٹا مجھ پر چڑھ گیا تھا میں نے اچھا نہیں سمجھا کہ اسے جلدی اتاردوں ۔ (رواہ ابن عساکر)