٣٧٧١٩۔۔۔ ابن ابی نعم کی روایت ہے کہ میں ابن عمر (رض) کے پاس بیٹھا ہوا تھا اتنے میں ایک شخص آئے اور مچھر کے خون کے متعلق آپ (رض) سے پوچھنے لگا ابن عمر (رض) نے پوچھا : تم کہاں سے ہوں ؟ اس نے جواب دیا میں اہل عراق سے ہوں ابن عمر (رض) نے فرمایا : اسے دیکھو ! یہ مچھر کے خون کے متعلق پوچھ رہا ہے حالانکہ انھوں نے رسول اللہ (صلی اللہ علیہ وآلہ وسلم) کے بیٹے کو قرتل کردیا ہے جب کہ میں نے رسول اللہ (صلی اللہ علیہ وآلہ وسلم) کو ارشاد فرماتے سنا ہے کہ یہ دونوں (حسن (رض) و حسین (رض)) میرے دنیا کے دوپھول ہیں۔ (رواہ احمد بن حنبل والبخاری)