٣٧٧٥٨۔۔۔” مسند عمر “ ابن حریج ابن ابی ملیکہ وعمر (رض) کہتے ہیں حضرت خدیجہ (رض) کے بعد رسول اللہ (صلی اللہ علیہ وآلہ وسلم) کے نکاح میں نو (٩) عورتیں جمع ہوئیں آپ (رض) ان سب کو چھوڑ کر دنیا سے رخصت ہوئے ابن جریج کہتے ہیں : عثمان بن ابی سلیمان نے مزید دو اضافہ کیا ہے جن کا تعلق نبی عامر بن صعصعہ سے تھا ام میں سے ایک کو ام المساکین کے لقب سے پکارا جاتا تھا چونکہ یہ عورت آپ کی ازواج میں سب سے زیادہ مسکینوں کے ساتھ خیر خواہی سے پیش آتی تھی بنی جون سے ایک اور عورت سے آپ نے نکاح کررکھا تھا جب کہ آپ اس کے پاس گئے اس نے آپ سے پناہ طلب کی آپ نے اسے طلاق دے دی آپ نے کندہ کی ایک اور عورت سے نکاح کیا لیکن اس سے مباشرت نہیں کرپائے چنانچہ نبی کریم (صلی اللہ علیہ وآلہ وسلم) کے بعد اس عورت نے کسی سے شادی کرلی تھی حضرت عمر (رض) نے میاں بیوی کے درمیان تفریق کردی اور اس کے خاوند کی پٹائی کی اس پر وہ عورت بولی ! اے عمر (رض) میرے معاملہ میں رب تعالیٰ سے ڈرو اگر واقعی میں امہات المومنین میں سے ہوں پھر میرے لیے بھی حجاب کا حکم لاگوکرو اور میرے لیے بھی اپنا ہی وظیفہ اتنا ہی وظیفہ مقرر کرو جتنا امہات المومنین کے لیے مقر کررکھا ہے حضرت عمر (رض) نے فرمایا : یہاں تمہاری رعایت نہیں کی جاسکتی عورت بولی : پھر مجھے نکاح کرنے کی اجازت دو حضرت عمر (رض) نے فرمایا : نہیں کبھی نہیں تو اپنی آنکھوں کو ٹھنڈا نہیں کرسکتی اور اس مسئلہ میں کسی کی بات نہیں مانوں گا۔ (رواہ عبدالرزاق)