٣٧٧٩٣۔۔۔ قاسم بن عبدالرحمن سے مروی ہے کہ جب ان کا جنازہ قبر کے پاس لایا گیا حضرت عمر (رض) قبر کے پاس کھڑے ہوئے اور اللہ تعالیٰ کی حمدوثناء کے بعد فرمایا جب یہ بیمار ہوئی تو میں نے ازواج مطہرات کے پاس پیغام بھجوایا کہ کون ان کی تیمارداری کرے گا ؟ ازواج مطہرات نے کہا : ہم کریں گی میرے خیال میں انھوں نے تیمارداری کا حق ادا کردیا پھر جب ان کی وفات ہوگئی تو میں ازواج مطہرات کے پاس پیغام بھیجا کہ کون ان کی تجہیز وتکفین کرے گا ؟ انھوں نے کہا : ہم کریں گے یقیناً انھوں نے حق ادا کیا ہوگا پھر میں نے پیغام بھیجوایا کون ان کو قبر میں اتارے گا انھوں نے کہا : جس کو ان کے پاس کی زندگی میں آنا جانا حلال تھا میرا خیال ہے کہ اس میں بھی انھوں نے سچ اور حق کہا ہے لہٰذا ! اے لوگو ! تم سب یہاں سے ہٹ جاؤ پھر آپ نے لوگوں کو وہاں سے ہٹا دیا اور زینب (رض) کے گھر والوں میں سے دو شخص انھیں قبر میں اتارنے کیلئے اترے (رواہ ابن سعد)