٣٧٧٩٧۔۔۔ ثعلبہ بن ابی مالک سے مروی ہے کہ میں نے عثمان (رض) کے دور خلافت میں جس دن حکم بن ابی العاص فوت ہوئے تو ان کی قبر پر خیمہ نصب دیکھا، حضرت عثمان (رض) نے فرمایا : لوگوں نے برائی کی طرف کس قدر جلدی کی ہے اور ایک دوسرے کی نقل کرنے لگے ہیں میں تم حاضرین سے اللہ تعالیٰ کی قسم دے کر پوچھتا ہوں کیا تم جانتے ہو تو حضرت عمر بن خطاب (رض) نے حضرت زینب بنت جحش کی قبرپر خیمہ نصب کیا تھا ؟ لوگوں نے جواب دیا جی ہاں ہمیں معلوم ہے۔ پھر پوچھا کیا تم نے اس پر کسی کو اعتراض کرتے سنا تھا ؟ لوگوں نے کہا : نہیں۔ (رواہ ابن سعد)