٣٧٨٠٣۔۔۔ حضرت عائشہ (رض) کی روایت ہے کہ نبی کریم (صلی اللہ علیہ وآلہ وسلم) صفیہ (رض) سے کچھ ناراض سے ہوگئے صفیہ (رض) نے کہا : اے عائشہ (رض) ! کیا تم رسول اللہ (صلی اللہ علیہ وآلہ وسلم) کو راضی کرسکتی ہو اس کے صلہ میں میں اپنی باری کا دن تمہارے نام کردوں گی ؟ حضرت عائشہ (رض) نے کہا : جی ہاں : جی ہاں پھر حضرت عائشہ (رض) نے زعفران میں رنگی ہوئی چادرلی اور اسے خوشبو سے معطر کیا پھر آکر نبی کریم (صلی اللہ علیہ وآلہ وسلم) کے پہلو میں بیٹھ گئیں آپ نے فرمایا : اے عائشہ (رض) اپنی باری کا انتظار کرو آج تمہاری باری کا دن نہیں حضرت عائشہ (رض) نے عرض کیا : یہ اللہ تعالیٰ کا فضل ہے جسے چاہے عطا کرے پھر عائشہ (رض) نے ماجرا سنایا اور آپ صفیہ (رض) سے رضا مند ہوگئے۔ (رواہ ابن النجاز)