٣٧٨٠٥۔۔۔ عروہ کی روایت ہے کہ ابوایوب (رض) نے رسول اللہ (صلی اللہ علیہ وآلہ وسلم) کا پہرہ دیتے ہوئے رات گزاری جب صفیہ بنت حیی (رض) رسول اللہ (صلی اللہ علیہ وآلہ وسلم) کے پاس رفاف کے لیے لائی گئیں صبح صبح جب رسول اللہ (صلی اللہ علیہ وآلہ وسلم) باہر نکلے ابوایوب (رض) نے تکبیر کہنے کی وجہ دریافت فرمائی ابوایوب (رض) نے عرض کیا : یارسول اللہ (صلی اللہ علیہ وآلہ وسلم) آج رات میں سویا نہیں ہوں آپ (صلی اللہ علیہ وآلہ وسلم) نے فرمایا : اے ابوایوب کیوں نہیں سوئے ؟ عرض کیا : جب یہ عورت آپ کے پاس آئی مجھے یاد آیا کہ آپ نے اس کے باپ بھائی خاوند اور اس کے رشتہ داروں کو قتل کیا ہے اللہ کی قسم مجھے خوف ہوا کہیں یہ عورت آپ کو دھوکا نہ دے دے رسول اللہ (صلی اللہ علیہ وآلہ وسلم) ہنس پڑے اور ابوایوب (رض) کی تعریف کی۔ (رواہ ابن عساکر)