٣٧٨٣٧۔۔۔ حضرت عاصم (رح) سے مروی ہے کہ ابو عثمان نہدی (رح) سے پوچھا گیا : کیا آپ نے رسول اللہ (صلی اللہ علیہ وآلہ وسلم) کو دیکھا ہے ؟ تو انھوں نے ارشاد فرمایا : میں حضور اکرم (صلی اللہ علیہ وآلہ وسلم) کے زمانے میں مسلمان ہوگیا تھا اور اپنے تین (سال کے ) صدقات بھی آپ کی خدمت میں بھیجے تھے لیکن میں حضور اکرم (صلی اللہ علیہ وآلہ وسلم) سے ملاقات کا شرف حاصل نہ کرسکا۔ (رواہ ابن عساکر)
فائدہ :۔۔۔ ابو عثمان نہدی کا نام عبدالرحمن بن مل بن عمر بن عدی ہے۔ پہلے کوفہ میں پھر بصرہ میں سکونت اختیار کی۔ زمانہ جاہلیت کو پایا پھر حضور اکرم (صلی اللہ علیہ وآلہ وسلم) کو نبوت ملی تو مسلمان ہوگئے اور اپنے صدقات حضور (صلی اللہ علیہ وآلہ وسلم) کی خدمت میں بھیجے لیکن ملاقات نہ کرسکے۔ ساٹھ حج و عمرے کئے۔ ثقہ آدمی تھے، اپنی قوم کے عریف (پیشین گوئی کرنے والے) ٩٥ ھ میں وفات ہوئی۔ (تہذیب التہذیب ٦/ ٢٧٨) ۔