٣٧٨٥٧۔۔۔ (مسند علی (رض)) ربیع بن منذر اپنے والد سے روایت کرتے ہیں، انھوں نے فرمایا کہ حضرت علی (رض) اور حضرت طلحہ (رض) کے درمیان بحث ہوئی۔ حضرت علی (رض) نے ارشاد فرمایا جری وہ ہے جو اللہ اور اس کے رسول پر جرات کرے۔ اے فلاں فلاں فلاں کو میرے پاس بلا کر لاؤ، چنانچہ وہ قریش کے ایک گروہ کو بلا لایا۔ حضرت علی (رض) نے پوچھا : تم کیا شہادت دیتے ہو ؟ انھوں نے کہا : ہم شہادت دیتے ہیں کہ رسول اللہ (صلی اللہ علیہ وآلہ وسلم) نے (آپ کو) ارشاد فرمایا تھا، تم میرا نام رکھنا اور میری کنیت رکھنا اور تمہارے بعد کسی کے لیے حلال نہیں۔ رواہ ابن عساکر۔