٣٧٨٧٢۔۔۔ (مسند علی (رض)) ابو اسحاق سے مروی ہے کہ جب ابوطالب کا انتقال ہوگیا تو حضرت علی (رض) نبی اکرم (صلی اللہ علیہ وآلہ وسلم) کی خدمت میں حاضر ہوئے اور عرض کیا : یا رسول اللہ ! آپ کے گمراہ (غیر مسلم ) چچا انتقال کرگئے ہیں۔
حضور (صلی اللہ علیہ وآلہ وسلم) نے ارشاد فرمایا : جاؤ اور اس کو (گڑھا کھود کر) چھپا آؤ۔
حضرت علی (رض) فرماتے ہیں : چنانچہ میں اس کام سے فارغ ہو کر واپس آپ (صلی اللہ علیہ وآلہ وسلم) کی خدمت میں پہنچاتو آپ (صلی اللہ علیہ وآلہ وسلم) نے مجھے فرمایا : کیا میں تجھے ایسی دعا نہ سکھاؤ کہ اللہ پاک تجھے ضرور تجھے دے گا اگرچہ خدا پاک نے تیری پہلے سے مغفرت لکھ دی ہے ؟ میں نے عرض کیا : اے اللہ کے نبی ! مجھے وہ دعا ضرور سکھا دیجئے۔ تو حضور اکرم (صلی اللہ علیہ وآلہ وسلم) نے ارشاد فرمایا : کہو !
لا الہٰ الا اللہ العلی العظیم، لا الہ الا اللہ الحلیم الکریم۔
لا الہ الا اللہ سبحان اللہ رب العرش العظیم، الحمد للہ رب العالمین۔ (رواہ ابن جریر)