٣٧٨٨٠۔۔۔ (مسند عمر (رض)) حضرت عمر (رض) سے مروی ہے کہ میں نبی اکرم (صلی اللہ علیہ وآلہ وسلم) کے پاس بیٹھا ہوا تھا تو آپ (صلی اللہ علیہ وآلہ وسلم) نے ارشاد فرمایا : مجھے بتاؤ سب سے افضل ایمان والے کون لوگ ہیں ؟ لوگوں نے کہا : یا رسول اللہ ! ملائکہ۔
آپ (صلی اللہ علیہ وآلہ وسلم) نے فرمایا : وہ تو واقعی ایسے ہیں یہ ان کا حق ہے اور وہ کیوں نہ ہوں ایسے، کیونکہ اللہ نے ان کو ایک مرتبہ عطا فرمایا ہے۔ ان کے علاوہ بتاؤ ! لوگوں نے عرض کیا : یا رسول اللہ ! وہ انبیاء کرام (علیہم السلام) جن کو اللہ نے اپنی رسالت اور نبوت سے نوازا ہے۔ حضور اکرم (صلی اللہ علیہ وآلہ وسلم) نے فرمایا : وہ بھی ایسے ہی ہیں اور یہ ان کا حق ہے اور وہ کیوں نہ ہوں ایسے جب کہ اللہ پاک نے ان کو ان کا رتبہ عطا فرمایا ہے۔ لوگوں نے کہا : یارسول اللہ ! وہ شہداء جو انبیاء (علیہم السلام) کے ساتھ شہید ہوئے۔ آپ (صلی اللہ علیہ وآلہ وسلم) نے فرمایا : وہ ایسے ہی ہیں، اور یہ ان کا حق ہے اور وہ ایسے کیوں نہ ہوں جب کہ اللہ عزوجل نے ان کا اکرام کیا ہے کہ ان کو انبیاء کے ساتھ شہادت سے نوازا ہے، بلکہ ان کے علاوہ بتاؤ۔
تب لوگوں نے عرض کیا : یا رسول اللہ (آپ ہی بتائیے) وہ کون ہیں ؟ حضور (صلی اللہ علیہ وآلہ وسلم) نے ارشاد فرمایا :
وہ لوگ جو ابھی دوسرے لوگوں کی پشتوں میں ہیں اور میرے بعد آئیں گے، وہ مجھ پر ایمان لائیں گے حالانکہ انھوں نے مجھے دیکھا نہ ہوگا اور وہ میری تصدیق کریں گے حالانکہ انھوں نے مجھے دیکھا نہ ہوگا۔ وہ ورق معلق (لٹکا ہوا ورق یعنی قرآن) دیکھیں گے اور جو کچھ اس میں ہوگا اس میں عمل کریں گے۔ پس یہ لوگ سب سے افضل ایمان والے ہوں گے۔ (ابن راھویہ، ابن زنجویہ، مسند البزار، مسند ابی یعلی، الضعفاء للعقیلی، المرھبی فی فضل العلم، مستدرک الحاکم وتعقبہ ابن حجر فی اطرافہ بان
کلام :۔۔۔ مذکورہ روایت محل کلام ہے، حافظ ابن حجر اپنی کتاب اطراف میں فرماتے ہیں مذکورہ روایت کا راوی محمد بن ابی حمید متروک الحدیث ہے۔
اور المطالب العالیہ میں ہے کہ محمد ضعیف الحدیث ہے اور سئی الحفظ (کمزوریا دداشت والا ) ۔ امام بزار (رح) فرماتے ہیں : درست بات یہ ہے کہ یہ روایت زید بن اسلم سے مرسلاًمروی ہے۔