٣٧٩٠٣۔۔۔ ابن مسعود (رض) سے مروی ہے کہ ہمیں رسول اللہ (صلی اللہ علیہ وآلہ وسلم) نے خطبہ دیا اس حال میں کہ اپنی کمر کی ٹیک چمڑے کے خیمے سے لگا رکھی تھی تو آپ (صلی اللہ علیہ وآلہ وسلم) نے ارشاد فرمایا :
آگاہ ہوجاؤ ! جنت میں مسلمان کے سوا کوئی داخل نہ ہوگا۔
پھر فرمایا : اے اللہ ! کیا میں نے پیغام پہنچادیا ؟ پس اے اللہ ! تو گواہ رہنا۔ پھر ارشاد فرمایا : کیا تم چاہتے ہو کہ تم اہل جنت میں چوتھائی حصہ ہوجاؤ۔ لوگوں نے عرض کیا : ہاں، یا رسول اللہ ! پھر فرمایا : کیا تم چاہتے ہو کہ تم اہل جنت میں ایک تہائی ہو ؟ لوگوں نے عرض کیا : جی ہاں۔ پھر فرمایا : مجھے امید ہے کہ تم جنت کے اندر نصف تعداد میں ہوگے۔ تمہاری مثال اور امتوں کے مقابلے میں ایک کالے بال کی سی ہے جو سفید بیل میں ہو یا سفید بال کی ہے جو کالے بیل میں ہو۔ (رواہ ابن عساکر)
فائدہ :۔۔۔ دیگر امتوں کی اکثر تعداد جہنم میں اور امت محمدیہ کی اکثر تعداد جنت میں ہوگی جس کی وجہ سے امت محمدیہ تنہا جنت میں دیگر جنتیوں کے مقابلے میں نصف تعداد میں ہوگی۔