٣٧٩١٤۔۔۔ حضرت انس (رض) سے مروی ہے کہ رسول اللہ (صلی اللہ علیہ وآلہ وسلم) نے ارشاد فرمایا : اللہ عزوجل نے مجھ سے وعدہ فرمایا ہے کہ وہ میری امت میں سے چار لاکھ افراد کو جنت میں داخل فرمائے گا۔ حضرت ابوبکر صدیق (رض) نے عرض کیا : یا رسول اللہ (ہماری تعداد میں) اضافہ فرمائیے۔ پھر آپ (صلی اللہ علیہ وآلہ وسلم) نے دونوں ہتھیلیوں کو ملا کر اشارہ فرمایا : (یعنی اللہ پاک اپنے دونوں ہاتھ بھر کر میری امت کے لوگ جنت میں داخل فرمادیں گے۔ ) حضرت ابوبکر (رض) نے عرض کیا : یا رسول اللہ ! اور اضافہ فرمائیے۔ آپ (صلی اللہ علیہ وآلہ وسلم) نے پھر اشارہ فرمایا۔ تب حضرت عمر (رض) نے فرمایا : اے ابوبکر ! یہ کافی ہے تیرے لئے، حضرت ابوبکر (رض) نے فرمایا : مجھے چھوڑ عمر ! تجھے کیا ہے اگر اللہ پاک ہم سب کو جنت میں داخل فرمادے ؟ حضرت عمر (رض) نے عرض کیا :
اگر اللہ پاک چاہے تو اپنی ایک ہتھیلی سے ساری مخلوق کو جنت میں داخل فرمادے۔ پھر نبی کریم (صلی اللہ علیہ وآلہ وسلم) نے ارشاد فرمایا : عمر نے سچ کہا۔ (رواہ ابن عساکر)