٣٧٩١٨۔۔۔ حضرت ابن عمر (رض) نبی کریم (صلی اللہ علیہ وآلہ وسلم) سے روایت کرتے ہیں، ارشاد فرمایا کہ میری امت میں بہترین لوگ پانچ سو رہتے ہیں اور چالیس ابدال۔ پس نہ پانچ سو کم ہوتے ہیں اور نہ چالیس ۔ جب بھی ابدال میں سے کوئی مرتا ہے تو اللہ پاک پانچ سوالوں میں سے نکال کر چالیس ابدال کی تعداد کو پورا فرما دیتا ہے پس اس طرح نہ پانچ سو کم ہوتے اور نہ چالیس
صحابہ کرام (رض) نے عرض کیا : یا رسول اللہ ! ہمیں بتائیے ان کے اعمال کیا ہیں ؟ حضور (صلی اللہ علیہ وآلہ وسلم) نے ارشاد فرمایا : یہ لوگ اپنے ا وپر ظلم کرنے والوں کو معاف کرتے ہیں اور اپنے ساتھ برائی کرنے والوں کے ساتھ حسن سلوک کرتے ہیں اور جو مال اللہ نے ان کو دے رکھا ہے اس کے ذریعے وہ دوسروں کی غمخواری کرتے ہیں اور اس بات کی تصدیق کتاب اللہ میں بھی ہے :
والکاظمین الغیظ والعافین عن الناس واللہ یحب المحسنین۔
اور (وہ لوگ) غصہ کو پی جانے والے ہیں اور لوگوں سے درگذر کرنے والے ہیں اور اللہ پاک احسان کرنے والوں کو پسند فرماتے ہیں۔ (رواہ ابن عساکر)