٣٧٩٣٦۔۔۔ سہل بن سعد الساعدی (انصار (رض)) سے مروی ہے، انھوں نے حجاج کو مخاطب ہو کر ارشاد فرمایا : اے حجاج ! کیا تو ہمارے متعلق رسول اللہ (صلی اللہ علیہ وآلہ وسلم) کی وصیت کو یاد نہیں رکھتا ؟ حجاج نے پوچھا : رسول اللہ (صلی اللہ علیہ وآلہ وسلم) نے تمہارے متعلق کیا وصیت فرمائی تھی ؟ حضرت سہل (رض) نے فرمایا : آپ (صلی اللہ علیہ وآلہ وسلم) نے وصیت فرمائی تھی کہ انصار کے اچھے لوگوں کے ساتھ اچھا برتاؤ کیا جائے اور ان کے بروں کے ساتھ درگذر کا معاملہ کیا جائے (رواہ ابن عساکر)