٣٧٩٦٨۔۔۔ (مسند عبداللہ بن ابی اوفی) عبدالرحمن بن عوف (رض) نے خالد بن الولید (رض) کی حضور (صلی اللہ علیہ وآلہ وسلم) سے شکایت کی۔ حضور (صلی اللہ علیہ وآلہ وسلم) نے حضرت خالد (رض) کو فرمایا : اے خالد ! تو اہل بدر میں سے کسی آدمی کو کیوں تنگ کرتا ہے ؟ اگر تو احد پہاڑ سونے کا خرچ کرے تب بھی ایسے شخص کے عمل کو نہیں پہنچ سکتا۔ حضرت خالد (رض) سے عرض کیا : یا رسول اللہ ! یا رسول اللہ ! وہ لوگ مجھے کچھ کچھ کہتے ہیں تو میں بھی ان کو جواب دے دیتا ہوں پھر رسول اللہ (صلی اللہ علیہ وآلہ وسلم) نے لوگوں کو ارشاد فرمایا : تم لوگ خالد کو اذیت نہ دو ، بیشک وہ اللہ کی تلواروں میں سے ایک تلوار ہیں جو اللہ پاک نے کفار پر برسائی ہے۔ (مسند ابی یعلی، ابن عساکر)