٣٧٩٨١۔۔۔ اسی طرح رسول اللہ (صلی اللہ علیہ وآلہ وسلم) نے معام جحفۃ پر خطاب کے دوران فرمایا : لوگو ! کیا میں تمہیں، تمہاری جانوں سے زیادہ عزیز نہیں ؟ لوگوں نے عرض کیا : کیوں نہیں، فرمایا : میں حوض پر تمہارا پیشتروہوں گا، اور تم سے دو چیزوں کے بارے میں پوچھوں گا :۔ قرآن اور اپنی اولاد کے بارے میں، قریش سے آگے نہ ہونا ورنہ ہلاک ہوجاؤگے اور نہ ان سے پیچھے رہنا ورنہ گمراہ ہوجاؤگے، قریش کے ایک آدمی کی طاقت دو کے برابر ہے اور نہ قریش سے سمجھ بوجھ کا مقابلہ کرنا وہ تم سے زیادہ سمجھدار ہیں۔ اگر مجھے قریش کے متکبر ہونے کا ڈرنہ ہوتا تو میں انھیں بتا دیتا کہ اللہ تعالیٰ کے ہاں ان کا کیا مرتبہ ہے۔ قریش کے اچھے لوگ انسان ہیں اور قریش کے برے لوگ برے انسان ہیں۔ (حلیۃ الاولیاء وفیہ ابراھیم بن الیسع واہ)