٣٨٠٣٣۔۔۔ حضرت ابودرداء (رض) سے روایت ہے فرمایا : میں نبی (صلی اللہ علیہ وآلہ وسلم) کے پاس آیا، عرب کی ایک جماعت آپس میں فخر کررہی تھی، مجھے رسول اللہ (صلی اللہ علیہ وآلہ وسلم) نے اندر آنے کی اجازت دی، میں اندر آیا، آپ (صلی اللہ علیہ وآلہ وسلم) نے فرمایا : ابودرداء ! یہ شور کیسا ہے ؟ جو میں سن رہا ہوں ؟ میں نے عرض کیا : یہ کچھ عرب ہیں جو رسول اللہ (صلی اللہ علیہ وآلہ وسلم) کے صحن میں فخر کررہے ہیں۔ آپ (صلی اللہ علیہ وآلہ وسلم) نے فرمایا : ابودرداء جب فخر کروتو قریش پر کرو، اور تعداد میں تمیم پر، اور لڑائی میں قیس پر فخر کرنا، آگاہ رہنا، ان کے چہرے کنانہ، ان کی زبانیں اسد، اور ان کے گھڑ سوار قیس ہیں، ابودرداء ! اللہ تعالیٰ کے بہت سے گھڑ سوار آسمانوں میں ہیں جن کے ذریعہ وہ اپنے دشمنوں سے جنگ کرتا ہے اور وہ فرشتے ہیں اور (اس کے) بہت سے گھڑ سوار اس کی زمین میں ہیں جن سے وہ اپنے دشمنوں سے جنگ کرتا ہے اور وہ ” قیس “ ہے، ابودرداء ! آخری شخص جو دین کا دفاع کرے گا جب کہ دین کا صرف نام اور قرآن کے صرف حروف رہ جائیں گے وقیس کا ہوگا، میں نے عرض کیا : یا رسول اللہ (صلی اللہ علیہ وآلہ وسلم) ! قیس میں سے کس قبیلہ سے ہوگا، فرمایا : سلیم سے۔ (ابن عساکر وقال : غریب جدا، ابن ابی شیبہ)