٣٨٠٨٨۔۔۔ نافع بن عبدالحارث سے روایت ہے کہ حضرت عمر بن خطاب (رض) مکہ آئے اور دارالندوۃ میں جمعہ کے روز داخل ہوئے اور وہاں سے جلد مسجد کی طرف جانے کا ارادہ کیا آپ نے بیت اللہ کے کھونٹے پر اپنی چادر رکھی اس پر کوئی کبوتر آ بیٹھا آپ نے اسے اڑایا پھر وہ اس پر بیٹھا تو ایک سانپ نے اس پر جھپٹا مارا اور اسے مارڈالا، آپ نے جب جمعہ کی نماز پڑھ لی تو میں اور حضرت عثمان بن عفان (رض) آپ کے پاس آئے، آپ نے فرمایا : میرے بارے آج فیصلہ کرو جو کچھ میں نے کیا ہے ! میں اس گھر میں داخل ہوا اور مسجد جلدی جانے کا ارادہ کیا اور میں نے اپنی چادر اس کھونٹے پڑ ڈال دی، اس پر کوئی کبوتر بیٹھا میں نے خدشہ محسوس کیا کہ کہیں اسے اپنی بیٹ سے خراب نہ کردے، وہ دوسرے کھونٹے پر جا بیٹھا اسے ایک سانپ نے جھپٹ کر مارڈالا، میرے دل میں خیال آیا کہ میں نے اسے اس کی محفوظ جگہ سے اڑایا ہے اور جس جگہ وہ بیٹھا وہاں اس کی موت تھی، میں (نافع بن عبدالحارث) نے حضرت عثمان (رض) سے کہا : سفید رنگ کی بکری جس کے دانت نکل آئے ہوں اس کے بارے میں آپ کا کیا خیال ہے اس کا ہم امیر المومنین کے لیے ضمان کے طور پر فیصلہ کردیں ؟ حضرت عثمان نے فرمایا : میری بھی یہی رائے ہے تو حضرت عمر (رض) نے اس کا حکم دے دیا۔ (الشافعی، بیھقی)