٣٨٠٩٦۔۔۔ عبید اللہ بن عبداللہ حضرت ابن عباس (رض) سے روایت کرتے ہیں کہ ابراہیم (علیہ السلام) پہلے شخص ہیں جنہوں نے حرم کے پتھر جبرائیل (علیہ السلام) کے بتانے پر نصب کئے، پھر اسماعیل (علیہ السلام) نے اس کی تجدید کی، پھر قصی نے ان کی تجدید کی، پھر رسول اللہ (صلی اللہ علیہ وآلہ وسلم) نے ان کی تجدید کرائی، عبید اللہ فرماتے ہیں : جب عمر بن خطاب (رض) کا دور آیا، آپ نے قریش کے چار افراد بھیجے، جن میں مخرمہ بن نوفل، سعید بن یربوع، حویطب بن عبدالعزی اور ازھر بن عبد عوف شامل تھے انھوں نے حرم کے پتھر نصب کئے۔ (رواہ ابن عساکر)