٣٨١٢٣۔۔۔ حضرت عمر (رض) سے روایت ہے فرمایا : مدینہ میں نرخ چڑھ گیا اور فاقہ بڑھ گیا، تو رسول اللہ (صلی اللہ علیہ وآلہ وسلم) نے فرمایا : صبر سے کام لو اور خوشخبری پاؤ، کیونکہ میں نے تمہارے مد اور صاع کے لیے برکت کی دعا کی ہے سوکھاؤ اور جدا جدا ہو کر مت کھاؤ کیونکہ ایک شخص کا کھانا دو کے لیے کافی ہے اور دوکا، چار کے لئے، اور چارکا، پانچ اور چھ کے لیے کافی ہے، جماعت میں برکت ہے جس نے مدینہ کی مصیبت اور سختی پر صبر کیا میں قیامت کے روز اس کا سفارشی اور گواہ ہوں گا، اور جو اس سے جو کچھ اس میں دل اچاٹ کر کے نکلا تو اللہ تعالیٰ اس سے بہتر اس میں مکین تبدیل کردے گا۔ اور جس نے اسے نقصان پہنچانا چاہا اللہ تعالیٰ اسے یوں پگھلا دے گا جیسے نمک پانی میں پگھلتا ہے۔ (البزار وقال تفردبہ عمروبن دینار البصری وھو لین)