٣٨١٦٨۔۔۔ (اس طرح) حضرت سعد (رض) سے روایت ہے فرماتے ہیں : رسول اللہ (صلی اللہ علیہ وآلہ وسلم) نے فرمایا : میں مدینہ کو دونوں اطراف میں ایسے ہی حرم قرار دیتا ہوں جیسے ابراہیم (علیہ السلام) نے مکہ کو حرم قراردیا ہے (لہٰذا ) اس کے درخت نہ کاٹے جائیں، (جو لوگ مدینہ سے کوچ کر کے جانے لگے ہیں) ان کے لیے مدینہ بہترین (جگہ) ہے اگر وہ سمجھیں، جو مدینہ والوں سے برائی کا سوچے گا اللہ تعالیٰ اسے آگ میں تانبے اور پانی میں نمک کی طرح پگھلا دے ۔ (رواہ ابن جریر)