٣٨١٧٨۔۔۔ جریر سے روایت ہے فرماتے ہیں جب رسول اللہ (صلی اللہ علیہ وآلہ وسلم) مدینہ تشریف لائے تو اپنے صحابہ (رض) سے فرمایا : ہمارے ساتھ قباوالوں کے پاس چلو ہم انھیں سلام کرنا چاہتے ہیں : چنانچہ آپ ان کے پاس گئے، انھیں سلام کیا، انھوں نے آپ کو خوش آمدید کہا، پھر آپ نے فرمایا : اے اہل قبا ! میرے پاس اس حرے سے پتھر لاؤ، آپ کے پاس بہت سے پتھر جمع ہوگئے آپ کے پاس ایک نیزہ تھا آپ نے ان کے قبلہ کی لکیر کھینچی، پھر رسول اللہ (صلی اللہ علیہ وآلہ وسلم) نے ایک پتھر لے کر رکھا، اس کے بعد فرمایا : ابوبکر ! ایک پتھر لو اور اسے اس پتھر کے ساتھ رکھ دو ، پھر (حضرت عمر (رض) سے) فرمایا : عمر ! پتھر لو اور اسے ابوبکر کے پتھر کے پاس رکھ دو ۔ اس کے بعد (لوگوں کی طرف) متوجہ ہوئے فرمایا : عثمان ! پتھر لو اور اسے عمر کے پتھر کے ساتھ رکھ ود، پھر آپ لوگوں کی طرف متوجہ ہو کر آخری شخص کو دیکھ کر فرمایا : ہر ایک اس لکیر کے قریب جہاں چاہے پتھر رکھ دے۔ (طبرانی فی الکبیر)