٣٨١٩٦۔۔۔ (مسند عمر بن سلمۃ) عروہ بن رویم بادشاہ کے دربانوں میں سے ایک شیخ سے روایت کرتے ہیں کہ مجھ سے سلیمان فارسی (رض) نے بیان کیا کہ میں نبی (صلی اللہ علیہ وآلہ وسلم) کے ساتھ آپ کے صحابہ (رض) کی ایک جماعت میں بیٹھا تھا اتنے میں ایک گروہ آکے کہنے لگا، اللہ کے رسول ! ہم لوگ زمانہ جاہلیت کے قریب تھے اور ہم گناہ اور زنا کیا کرتے تھے (اب چونکہ اسلام کی وجہ سے ہم یہ کام نہیں کرسکتے) اس لیے ہمیں خصی بننے کی اجازت دیجئے آپ (صلی اللہ علیہ وآلہ وسلم) نے ان کے سوال کو ناپسند کیا یہاں تک کہ یہ کراہت آپ کے چہرہ سے محسوس کی جانے لگی، پھر دوسری جماعت آکر کہنے لگی : اللہ کے رسول ! ہم جاہلیت کے قریب تھے ہم سے گناہ ہوجاتے تھے اب ہمیں گھروں میں بیٹھنے کی اجازت دیجئے، ہم روزے رکھیں گے اور قیامت کیا کریں گے یہاں تک کہ ہمیں موت آجائے، آپ (صلی اللہ علیہ وآلہ وسلم) کو ان کے سوال سے خوشی ہوئی جس کے آثار آپ کے چہرہ پر محسوس کئے گئے، آپ (صلی اللہ علیہ وآلہ وسلم) نے فرمایا : عنقریب تم لشکر روانہ کرو گے اور تمہارے لوگ ذمی ہوں گے تمہیں خراج دیں گے اور ایک زمین اللہ تعالیٰ تمہیں عطا کرے گا اس کا کچھ حصہ سمندر کے کنارے ہوگا، جس میں شہر اور محلات ہوں گے جسے یہ زمانہ ملے اور وہ اپنے آپ کو ان شہروں میں سے کسی شہر یا ان محلات میں سے کسی محل میں موت آنے تک روک سکے تو ایسا ہی کرے۔ (رواہ ابن عساکر)