٣٨٢٠٠۔۔۔ (مسند عمر) ہیثم بن عمار سے روایت ہے فرمایا : میں نے اپنے دادا کو فرماتے سنا : جب حضرت عمر (رض) خلیفہ بنائے گئے تو آپ نے شام والوں کی زیارت کی آپ نے جابیہ میں پڑاؤ کیا دمشق میں طاعون تیزی سے پھیل رہا تھا، آپ نے دمشق جانے کا ارادہ کیا تو آپ کے ساتھیوں نے آپ سے کہا : کیا آپ کو علم نہیں کہ نبی (صلی اللہ علیہ وآلہ وسلم) نے فرمایا : ہے : جب تم میں طاعون پھیل جائے تو اس سے مت بھاگو اور جہاں وہ ہو وہاں نہ جاؤ ! اور آپ کو یہ بھی معلوم ہے کہ جو اصحاب النبی (صلی اللہ علیہ وآلہ وسلم) آپ کے ساتھ تھے وہ خوش تھے جنہیں کبھی بھی طاعون کی بیماری نہیں ہوئی۔ اس وقت آپ نے ایک شخص جدیلہ سے روانہ فرمایا جو ابھی تک اس میں داخل نہیں ہوا تھا، اور آپ بیت المقدس کی طرف چل پڑے اور صلح سے اسے فتح کرلیا۔ پھر حضرت عمر (رض) بیت المقدس میں آئے آپ کے ساتھ کعب احبار تھے، آپ نے فرمایا : ابواسحاق ! چٹان کی جگہ تمہیں معلوم ہے ؟ وہ کہنے لگے : اس دیوار سے جو جہنم کی وادی کے اتنے اتنے قریب ہے ایک گز ناپ لیں، اور وہ ڈھیر ان ہے پھر اسے کھودیں تو آپ کو وہ مل جائے گی، چنانچہ لوگوں نے کھودی تو وہ ظاہر ہوگئی، پھر حضرت عمر (رض) نے کعب سے فرمایا : تمہارے رائے کے مطابق ہم سجدہ گاہ کہاں بنائیں ؟ انھوں نے کہا : چٹان کے پیچھے بنالیں یوں آپ موسیٰ (علیہ السلام) اور محمد (صلی اللہ علیہ وآلہ وسلم) کے قبلوں کو جمع کرلیں گے، آپ نے فرمایا : تم نے یہودیت کی مشابہت کی، ابو اسحاق ! اللہ کی قسم ! سب سے بہتر سجدہ گاہ آگے والی ہوتی ہے۔ چنانچہ آپ نے وہ جگہ مسجد کے اگلے حصہ میں بنائی۔ اہل عراق کو پتہ چلا کہ آپ نے اہل شام کی زیارت و ملاقات کی ہے انھوں نے آپ کو خط لکھا جس میں آپ سے ملاقات و زیارت کی ایسے درخواست کررہے تھے جیسی ملاقات آپ نے اہل شام سے کی۔ آپ نے جانے کا قصد کرلیا تو کعب نے آپ سے کہا : امیر المومنین ! میں آپ کو اللہ کی پناہ میں دیتا ہوں کہ آپ اس میں داخل ہوں، آپ نے فرمایا : کیوں ؟ وہ کہنے لگے، اس میں نافرمان جنات، ہارون اور ماروت ہیں جو لوگوں کو جادو سکھاتے ہیں اور اس میں شر کے دسویں حصہ کا نواں حصہ ہے اور ہر خطرناک بیماری ہے، حضرت عمر (رض) نے فرمایا مجھے وہ سب کچھ تو سمجھ آگیا جو تم نے ذکر کیا، صرف خطرناک بیماری سمجھ نہیں آئی وہ کیا ہے ؟ وہ کہنے لگے ! مال کی کثرت جس کا کوئی علاج نہیں، چنانچہ آپ وہاں نہیں گئے۔ (رواہ ابن عساکر)