٣٨٢٠٢۔۔۔ تمام رازی نے ” معارۃ الدم “ کتاب میں فرمایا : ہم سے ابو یعقوب اسحاق بن ابراہیم اوزعی نے بیان کیا فرماتے ہیں مجھ سے اس شخص نے بیان کیا جس پر مجھے بھروسہ ہے وہ کہتے ہیں مجھ سے محمد بن احمد بن ابراہیم نے ولید بن مسلم کے حوالہ سے وہ ابن جریج سے وہ عروہ بن رویم سے وہ اپنے والد سے روایت کرتے ہیں فرمایا : میں نے حضرت علی بن ابی طالب اور حضرت معاویہ (رض) کو فرماتے سنا : ہم نے رسول اللہ (صلی اللہ علیہ وآلہ وسلم) سے سنا آپ سے ایک شخص نے دمشق کے آثار و علامت کے متعلق پوچھا، آپ نے فرمایا : اس میں ایک پہاڑ ہے جس کا نام قاسیون ہے وہاں حضرت آدم (علیہ السلام) کے بیٹے (قابیل) نے اپنے بھائی (ہابیل) کو قتل کیا تھا، اور اس کے نچلے حصہ میں ابراہیم (علیہ السلام) پیدا ہوئے، اور اسی جگہ میں اللہ تعالیٰ حضرت عیسیٰ (علیہ السلام) اور ان کی والدہ مریم (علیہما السلام) کو یہود (کے شر) سے پناہ دی۔
جو بندہ بھی روح اللہ کی جگہ پر آئے غسل کرے نماز پڑھے دعاکرے گا، ایک شخص کہنے لگا : اللہ کے رسول ! ہمیں اس کی کیفیت بیان کر دیجئے۔ فرمایا : وہ دمشق نامی شہر کی پست زمین میں ہے، مزید میں تم سے یہ کہتا ہوں کہ وہ ایسا پہاڑ ہے جس میں اللہ تعالیٰ نے ان سے کلام کیا ہے اور اسی میں میرے (جدامجد) ابراہیم (علیہ السلام) پیدا ہوئے، تو جو کوئی اس جگہ آئے وہ دعا سے عاجز نہ ہو (ضرور دعا کرے) ایک شخص کہنے لگا : اللہ کے رسول ! کیا یحییٰ (علیہ السلام) کی بھی کوئی جائے پناہ ہے ؟ آپ (صلی اللہ علیہ وآلہ وسلم) نے فرمایا : ہاں، اس میں یحییٰ (علیہ السلام) اس سے محفوظ ہوئے تھے اور قوم عاد کا ایک شخص غار میں محفوظ ہوا تھا جو آدم (علیہ السلام) کے مقتول بیٹے کے خون کے نیچے ہے اسی میں الیاس (علیہ السلام) اپنی قوم کے بادشاہ سے محفوظ ہوئے تھے، اسی میں ابراہیم، لوط، موسیٰ ، عیسیٰ اور ایوب علیہم الصلوٰۃ والسلام نے نماز پڑھی تھی، سو وہاں دعا کرنے سے عاجز نہ ہونا۔ کیونکہ اللہ تعالیٰ نے میری طرف وحی بھیجی ہے ” مجھ سے دعاکرو میں تمہاری دعا قبول کروں گا “
ایک شخص کہنے لگا : اللہ کے رسول ! ہمارا رب دعا سنتا ہے یا اس کی کیا کیفیت ہے ؟ اللہ تعالیٰ نے یہ آیت نازل فرمائی ” اور جب میرے بندے تم سے میرے بارے میں پوچھیں تو میں قریب ہوں، دعا کرنے والے کی دعا قبول کرتا ہوں جب وہ مجھے پکارتا ہے۔ (فی ھذا الاسناد علتان : الرجل المبھم وتدلیس الولید بن مسلم وانا اخشی ان یکون ھذا الحدیث موضوعا، قداخرجہ ابن عساکر فادخل بین محمد بن احمد بن ابراھیم وبین الولید، ثناھشام بن خالد رواہ تمام، فلم یذکر ھشاماوقال تمام : والاشھر عن معاویۃ، واخرجہ ابوالحسن علی بن محمد بن شجاع الربعی فی فضائل الشام، انبانا ابو القاسم عبدالرحمن بن عمر الامام ثنا یعقوب الاذرعی ثنا محمد بن احمد بن ابراھیم ثنا ہشام بن خالد عن الولید بن مسلم عن ابن جریج عن عروۃ عن ابیہ قال سمعت علی بن ابی طالب یقول : سمعت رسول اللہ اوسالہ رجل عن الاثارات بدمشق فذکرہ)