٣٨٢٤٢۔۔۔ حضرت عرباض بن ساریۃ نبی (صلی اللہ علیہ وآلہ وسلم) سے روایت کرتے ہیں کہ آپ نے ایک دن لوگوں میں کھڑے ہو کر اور ایسی گہری نصیحت کی جس سے دل دہل گئے اور آنکھیں اشکبار ہوگئیں فرمایا : ہوسکتا ہے کہ تمہارے اسلحہ سے لیس لشکر ہوں، ایک لشکر شام میں ایک عراق میں اور ایک یمن میں ہوگا، حضرت عبداللہ بن حوالہ اٹھ کر کہنے لگے : یا رسول اللہ ! اگر میں اس زمانہ کو پالوں تو میرے لیے انتخاب فرمائیے، آپ نے فرمایا : میں تمہارے لیے شام کا انتخاب کرتا ہوں، کیونکہ وہ دارالاسلام کا ستون اور اللہ تعالیٰ کی زمین کا پسندیدہ حصہ ہے، اس کی طرف اس کی مخلوق میں برگزیدہ بندے چن کر لائے جاتے ہیں، رہے تم ! تو تمہارے لیے یمن بہتر ہے اس کے تالابوں سے سیراب ہو ! اس واسطے کہ اللہ تعالیٰ میرے لیے شام واہل شام کا ذمہ دار ہے۔ (رواہ ابن عساکر)