٣٨٢٦٣۔۔۔ (مسند الصدیق) زبیر بن خریت، ابولبید سے روایت کرتے ہیں فرمایا : ایک شخص طاحیہ سے ہجرت کرکے نکلا جس کا نام ” بیرح بن اسد “ تھا وہ نبی (صلی اللہ علیہ وآلہ وسلم) کی وفات کے کچھ دن بعد مدینہ پہنچا، حضرت عمر بن خطاب (رض) نے اسے دیکھا تو اسے مسافر سمجھ کر اس سے فرمایا : تم کہاں سے آئے ہو ؟ وہ کہنے لگا : عمان سے، فرمایا : کیا تم عمانی ہو ؟ وہ کہنے لگا : جی ہاں، آپ نے (جھٹ سے) اس کا ہاتھ پکڑا اور سیدھا حضرت ابوبکر (رض) کے پاس لے آئے، فرمایا : (ابوبکر ! ) یہ شخص اس زمین سے تعلق رکھتا ہے جس کے بارے میں آپ نے رسول اللہ (صلی اللہ علیہ وآلہ وسلم) سے سنا ہے ! آپ (صلی اللہ علیہ وآلہ وسلم) فرما رہے تھے۔ میں ایک ایسی زمین جانتا ہوں جس کا نام عمان ہے اس کے کنارے سے سمندر (بحر احمر) بہتا ہے، وہاں ایک عربی قبیلہ ہے اگر ان کے پاس میرا قاصد آئے تو نہ اسے تیر ماریں گے اور نہ اس پر سنگ باری کریں گے۔ (مسند احمد، ابونعیم وقال، احمد : انما ھو : سمعت۔ یعنی ابابکر، وقال یزید بن ہارون، سمعت بالرفع یعنی عمر، قال ابن کثیر : روایۃ النصب وجعلہ فی مسند الصدیق اولی، وقال الامام علی بن المدینہ رواہ فی مسند الصدیق ثم قال : ھذا اسناد منقطع من ناحیۃ ابی لبید واسمہ لمازہ بن زیار الجھضی فانہ لم یلق ابابکر ولا عمرو انما لہ رؤۃ لعلی وانما یحدث عن کعب بن سور وضربہ من الرجال، قال ابن کثیر : وھو من الثقات : ورواہ ابویعلی ایضاً فی مسند الصدیق)
جزیرہ عرب کے جنوب مشرق میں ، خلیج عمان ، بحر عربی پر متحدہ عرب امارات، سعودیہ اور ربع خالی اور یمن کے درمیان واقع ہے اس کا دارالحکومت مسقط ہے۔ (ایضاً )