٣٨٣٣٩۔۔۔ معراج کی رات میری ابراہیم و موسیٰ علیھما السلام سے ملاقات ہوئی، انھوں نے آپس میں قیامت کا ذکر کیا، سب نے اس کا حل ابراہیم (علیہ السلام) سے پوچھا، آپ نے فرمایا : مجھے اس کا کوئی علم نہیں، پھر انھوں نے اس کا حل موسیٰ (علیہ السلام) سے پوچھا : آپ نے فرمایا : مجھے اس کا کوئی علم نہیں، پھر اس کا حل عیسیٰ (علیہ السلام) سے پوچھا، آپ نے فرمایا : اس کے وقوع کا علم اللہ تعالیٰ کے سوا کسی کے پاس نہیں، اور مجھے میرے رب (اللہ تعالیٰ ) نے جو وصیت کی، کہ دجال نکلے گا، اور میرے پاس دوشاخیں ہوں گی، جب وہ مجھے دیکھے گا تو تانبے کی طرح پگھلے گا، جب وہ مجھے دیکھے گا اللہ تعالیٰ اسے ہلاک کردے گا، یہاں تک درخت اور پتھر پکار کر کہے گا :
اے مسلمان ! میرے تلے کافر چھپا ہے آؤا سے قتل کرو۔ یوں اللہ تعالیٰ اسے ہلاک کردے گا، پھر لوگ اپنے شہروں اور
وطنوں کا رخ کریں گے اس وقت یاجوج وماجوج نکلیں گے وہ ہر اونچی جگہ سے پھسل رہے ہوں گے، وہ ان کے شہروں میں پھیل جائیں گے، جس چیز کے پاس آئیں گے اسے ختم کردیں گے، جس پانی پر ان کا گزر ہوگا اسے پی ڈالیں گے اس کے بعد لوگ میرے پاس آئیں گے، ان کی شکایت کریں گے میں اللہ تعالیٰ سے ان کے لیے بددعا کروں گا، پس اللہ تعالیٰ انھیں ہلاک کردے گا، اور ماردے گایہاں تک کہ زمین ان کی بدبو سے بدبودار ہوجائے گی، اس کے بعد اللہ تعالیٰ بارش نازل کرے گا، جو ان کے جسموں کو بہا کرلے جائے گی اور بالآخر انھیں سمندر میں پھینک دے گی، پھر پہاڑ اڑیں گے اور زمین چمڑے کی طرح پھیلا دی جائے گی، تو مجھے میرے رب نے جن باتوں کی وصیت کی کہ جب ایسا ہو تو پھر قیامت ایسے واقع ہوگی جیسے کسی حاملہ عورت کا وقت ولادت پورا ہوجائے اس کے گھروالے نہ جانتے ہوں کہ کب رات یا دن میں اچانک انھیں اپنی ولادت کی خبردے دے۔ (مسند احمد، ابن ماجہ، حاکم عن ابن مسعود)
کلام :۔۔۔ ضعیف الجامع ٤٧٠٩۔