٣٨٤٩٥۔۔۔ ابن مسعود ! قیامت کی کچھ علامات اور شرطیں ہیں۔ آگاہ رہنا ! یہ بھی قیامت کی علامات اور نشانیوں کا حصہ ہے کہ اولاد غیظ وغضب بن جائے، اور بارش گرم بن جائے، اور برے لوگ جلدی سے مرنے لگیں، ابن مسعود ! یہ بھی قیامت کی علامت اور نشانی ہے کہ سچے کو جھوٹا اور جھوٹے کو سچا سمجھاجائے، ابن مسعود ! یہ بھی قیامت کی علامت و نشانی ہے کہ بددیانت کو امانتدار اور امین کو ضائن سمجھاجائے، ابن مسعود ! یہ بھی قیامت کی علامت اور نشانی ہے کہ غیروں سے ناتا جوڑا جائے اور اپنوں سے ناتا توڑا جائے، یہ بھی قیامت کی علامت اور نشانی ہے کہ ہر قبیلہ اپنے منافق لوگوں کو سردار بنالے، اور ہر بازار اپنے برے لوگوں کو۔ ابن مسعود ! کہ مومن قبیلۃ میں درہم سے زیادہ ذلیل ہوجائے، ابن مسعود ! یہ بھی قیامت کی علامت اور نشانی ہے کہ محرابیں مزین کی جائیں اور دل خراب ہوں۔ ابن مسعود ! یہ بھی قیامت کی علامت اور نشانی ہے کہ مرد، مردوں سے اور عورتیں، عورتوں سے فائدہ اٹھائیں، ابن مسعود ! یہ بھی قیامت کی علامت اور نشانی ہے کہ مسجدوں میں پائخانے کی جگہیں بنائی جائیں اور منبر اونچے بنائے جائیں۔ ابن مسعود ! یہ بھی قیامت کی علامت و نشانی ہے کہ دنیا کے ویران علاقے آباد اور آباد ویران کئے جائیں، ابن مسعود ! یہ بھی قیامت کی علامت اور نشانی ہے کہ آلات موسیقی ظاہر ہوجائیں، شرابیں پی جانے لگیں، ابن مسعود ! یہ بھی قیامت کی علامت اور نشانی ہے کہ شرابیں پی جائیں، ابن مسعود ! یہ بھی قیامت کی علامت اور نشانی ہے کہ پولیس والے، پیٹھ پیچھے طعن زن، نکتہ چین، عیب گیری کرنے والے بکثرت ہوجائیں، ابن مسعود ! یہ بھی قیامت کی علامت اور نشانی ہے کہ حرامزادوں کی تعداد بڑھ جائے۔ (طبرانی فی الکبیر عن ابن مسعود)