٣٨٥١٧۔۔۔ قیامت سے پہلے تین سال ہوں گے، پہلے سال میں آسمان اپنی تہائی بارش روک لے گا، اور زمین اپنی تہائی پیداوار کھینچ لے گی۔ اور دوسرے سال آسمان دوتہائی اپنی بارش سلب کرلے گا اور زمین دو تہائی نباتات روک لے گی۔ تیسرے سال آسمان سے بارش اور زمین کی نباتات رک جائے گی کوئی اونٹ اور گدھا باقی نہیں رہے گا، اگر وہ یعنی دجال نکل آیا اور میں تم میں زندہ رہا تو تم میں اس کا مقابلہ کروں گا ورنہ اللہ تعالیٰ ہر مومن کا میری طرف سے وارث ہے، لوگوں نے عرض کیا : یارسول اللہ ! مومن کو زندہ رہنے کے لیے کیا چیز فائدہ دے گی ؟ آپ نے فرمایا : جو فرشتوں کو فائدہ دیتی ہے۔ سبحان اللہ، الحمد للہ اور لا الہٰ الا اللہ کہنا۔ (طبرانی فی الکبیر عن اسماء بنت یزید)