٣٨٥٨٦۔۔۔ اے علی ! اس وقت تک قیامت قائم نہیں ہوگی جب تک نہ بولے میں مسلمانوں کا ایک گروہ نہ ہو، تم لوگ ترکوں سے لڑوگے اور تمہارے بعد کے اہل ایمان بھی ان سے جنگ کریں گے عمدہ مومنین اہل حجاز جو اللہ کی راہ میں جہاد کریں گے ان کی طرف نکلیں گے انھیں اللہ کے بارے میں کسی ملامت گر کی پروا نہیں ہوگی۔ یہاں تک کہ اللہ تعالیٰ انھیں سبحان اللہ اور اللہ اکبر کے ذریعہ قسطنطنیہ اور رومیہ پر فتح دے دے گا، اس کا قلعہ گرجائے گا اور انھیں بہت سامال ہاتھ لگے گا کہ اس جیسا مال انھیں کبھی نہیں ملا، یہاں تک کہ وہ لوگ اترسہ میں غنیمت تقسیم کررہے ہوں گے کہ کوئی پکار کر کہے گا : اہل شام ! تمہارے شہروں اور بچوں میں مسیح دجال نکل آیا ہے، تو لوگ مال سے ہاتھ کھینچ لیں گے، تو ان میں سے کوئی تولے گا اور کوئی چھوڑ دے گا، لینے والا بھی نادم ہوگا اور چھوڑنے والا بھی، پھر وہ کہیں گے :۔ یہ اعلان کرنے والا کون تھا ؟ اور انھیں اس کا پتہ نہیں ہوگا۔ پھر کوئی کہے گا : ایک جماعت لد کی جانب بھیجو اگر مسیح دجال نکل چکا ہے تو تمہارے پاس اس کی خبر لے آئے گی۔ چنانچہ وہ لوگ آئیں گے اور وہاں کچھ نہیں دیکھیں گے اور لوگوں کو خاموش پائیں گے، پھر وہ کہیں گے : اس اعلان کرنے والے صرف ہمیں اطلاع دی، پس پختہ ارادہ کرو اور سیدھی راہ اختیار کرو پھر ہم سب اکٹھے لد کی طرف نکلیں ا گروہاں مسیح دجال ہوا تو ہم اس سے جنگ کریں گے یہاں تک کہ اللہ تعالیٰ (فتح وشکست کا) فیصلہ فرمادے اور وہ بہترین فیصلہ کرنے والا ہے اور اگر دوسری بات ہوئی تو وہ تمہارے شہر اور تمہارے رشتہ دار ہیں تم ان کی جانب واپس آجانا۔ (طبرانی، حاکم وتعقب عن کثیر بن عبداللہ بن عمرو بن عوف
عن ابیہ عن جدہ)