٣٨٧٣٨۔۔۔ اللہ کی قسم میں اپنی جگہ اس کسی ایسے کام سے کھڑا نہیں ہوا جس کا تمہیں رغبت یا خوف کی وجہ سے نفع ہوا البتہ تمیم الداری نے آکر مجھے ایک بات بتائی جس کی وجہ سے مجھے دوپہر کی نیند نہیں آئی خوشی اور آنکھ ٹھنڈی ہونے کی وجہ، میں نے چاہا کہ تمہیں تمہارے نبی کی خوشی سے آگاہ کروں تو سنو ! تمیم داری نے مجھے بتایا کہ (تیز تند) ہوانے انھیں ایک ناواقف جزیرے کے پاس پہنچادیا، تو وہ جہاز کی چھوٹی کشتیوں میں بیٹھ کر جزیرہ تک چلے گئے کیا دیکھتے ہیں : ایک چیز ہے جس کے بال ہی بال ہیں انھوں نے اس سے پوچھا : تو کون ہے ؟ وہ کہنے لگی : میں حباسہ ہوں انھوں نے کہا : ہمیں کچھ بتاؤ ! وہ کہنے لگی : نہ میں تمہیں کچھ بتانے کی اور نہ تم سے پوچھنے کی، البتہ اس راہب گاہ (گرجے) میں جاؤ جو تمہیں نظر آرہا ہے تم وہاں چلے جاؤ، اس میں ایک آدمی رسیوں میں کسابندھا ہے وہ تمہیں تمہاری خبردے گا، چنانچہ وہ لوگ ادھر چل دئیے اندر گئے تو ایک بوڑھا شخص سختی سے کسا بندھا ہے جس پر غم عیاں، شکایت و تکلیف بےانتہا ہے، ان لوگوں سے کسی نے کہا : تم لوگ کہاں سے آئے ہو ؟ انھوں نے کہا : شام سے، وہ کہنے لگا : عربوں کا کیا ہوا ؟ انھوں نے کہا : ہم عرب کی قوم ہیں، تم کس کے بارے میں پوچھ رہے ہو ؟ وہ کہنے لگا : اس شخص کا کیا ہوا جو تم میں (نبی بن کر) ظاہر ہوا ہے ؟ انھوں نے کہا : بہتر ہے اس نے ایک قوم سے دشمنی کی تو اللہ تعالیٰ نے اسے ان کے مقابلہ میں فتح دی اب ان میں اتفاق ہے (وہ اس طرح کہ) ان کا معبود ایک اور دین ایک ہے۔ وہ کہنے لگا : نہرزعر (نامی بستی) کا کیا بنا ؟ وہ کہنے لگے : ٹھیک ہے، لوگ اس سے اپنی فصلوں کو سیراب کرتے اور اپنے پینے کو لے جاتے ہیں۔ وہ کہنے لگا : عمان اور بیسان کے بیچ جو نخلستان (کھجوروں کا باغ) ہے اس کا کیا حال ہے ؟ انھوں نے کہا : وہ ہر سال پھل دیتا ہے، وہ کہنے لگا : بحیرہ طبریہ کا کیا ہوا ؟ انھوں نے کہا : اس کا پانی بلیوں اچھلتا ہے تو اس نے تین چیخیں ماریں، پھر کہنے لگا : میں اگر اپنی ان رسیوں سے کھلا ہوتا تو سوائے مدینہ کے ہر بستی کو اپنے ان دونوں پاؤں سے روند دیتا، مجھے وہاں تک جانے کی جرات نہیں، رسول اللہ (صلی اللہ علیہ وآلہ وسلم) نے فرمایا : یہاں تک میری خوشی پوری ہوئی، یہ مدینہ ہے اس ذات کی قسم ! جس کے قبضہ قدرت میں میری جان ہے ! مدینہ کا جو تنگ و کشادہ راستہ، نرم وسخت پہاڑو میدان ہے اس پر ایک فرشتہ تاقیامت تلوار سونتے کھڑا ہے۔ (مسند احمد، ابن ماجہ عن فاطمۃ بنت قیس)
کلام :۔۔۔ ضعیف الجامع ٢٠٩٧۔