٣٨٧٧٧۔۔۔ دجال اس حال میں نکلے گا کہ اس کے لیے مدینہ کے دروں سے داخل ہونا حرام ہوگا، تو وہ مدینہ کے کسی ویران کھیت میں پڑاؤ کرے گا تو اس دن کوئی بہترین شخص اس کی طرف جا کر کہے گا : میں گواہی دیتا ہوں کہ تو وہی دجال ہے جس کی بات ہمیں رسول اللہ (صلی اللہ علیہ وآلہ وسلم) نے بتائی ہے۔ تو دجال کہے گا : بتاؤ ! میں اگر اسے مارکر پھر زندہ کروں تو تمہیں پھر بھی میرے بارے میں شک ہوگا ؟ وہ کہیں گے : نہیں، چنانچہ وہ اسے قتل کر کے زندہ کرے گا تو وہ کہے گا : اللہ کی قسم ! مجھے تیرے بارے میں آج سے زیادہ بصیرت حاصل نہیں ہوئی پھر دجال اسے قتل کرنا چاہے گا تو اس کا بس نہیں چلے گا۔ (مسند احمد، مسلم عن ابی سعید)