٣٨٧٨٤۔۔۔ خبردار ! ہر نبی نے اپنی امت کو دجال سے ڈرایا ہے اور اس نے آج کھانا کھالیا، میں تم سے ایک اہم بات کررہا ہوں جو مجھ سے پہلے کسی نبی نے اپنی امت سے نہیں کی۔ وہ یہ کہ اس کی دائیں آنکھ سپاٹ ہوگی آنکھ ابھرے ہوئے ڈھیلے والی ہوگی مخفی نہیں ہوگی، گویا دیوار پر رینٹ ہے اور بائیں جیسے چمکتا ستارہ، اس کے ساتھ جنت وجہنم جیسی چیز ہوگی آگ سبز باغ اور جنت گرد آلود دھوئیں والی ہوگی۔
خبردار ! اس کے آگے وہ دو شخص ہوں گے جو دیہات والوں کو ڈرائیں گے جیسے ہی کسی بستی میں پہنچیں گے لوگوں کو ڈرائیں گے جب وہ نکل جائیں گے تو دجال کے (لشکرکے) پہلے لوگ داخل ہوجائیں گے وہ مکہ و مدینہ کے سواہر بستی میں داخل ہوگا وہ دونوں اس پر حرام ہیں۔ ایماندارزمین پر پھیلے ہوں گے تو اللہ تعالیٰ انھیں اس کے لیے یکجا کردے گا۔ ان ایمانداروں میں سے ایک شخص اپنے ساتھیوں سے کہے گا : میں ضرور اس شخص کے پاس جاؤں گا اسے جانچوں گا کہ کیا یہ وہی ہے جس سے رسول اللہ (صلی اللہ علیہ وآلہ وسلم) نے ہمیں ڈرایا، یا وہ نہیں، تو وہ رخ پھیر کر چلنے لگے گا، اس کے ساتھ اسے کہیں گے اللہ کی قسم ہم تمہیں اس کے پاس نہیں لے جائیں اگر ہم جان لیں کہ وہ تجھے قتل کردے گا تو ہم تم ہاری راہ سے ہٹ جاتے ہیں لیکن ہمیں یہ کو ف ہے کہ وہ تمہیں فتنہ میں ڈال دے گا، تو مومن آدمی ان کی بات نہیں مانے گا اور اس کے پاس ہی جائے گا، چلتے چلتے اس کے مسلح افراد کے پاس پہنچے گا وہ اسے گرفتار کرلیں گے اس سے پوچھیں گے، تجھے کیا ہوا ہے اور تو کیا چاہتا ہے ؟ وہ ان سے کہے گا : میرا دجال کذاب (کے پاس جانے) کا ارادہ ہے، وہ کہیں گے : کیا تو ایسی بات ہے ؟ کہے گا : ہاں، تو وہ دجال کے پاس پیام روانہ کردیں گے : ہم نے ایسی ایسی بات کرنے والے کو پکڑ رکھا ہے اسے مار ڈالیں یا چھوڑدیں ؟ دجال کہے گا : اسے میرے پاس بھیج دو ، چنانچہ اسے لے جایا جائے گا یہاں تک کہ دجال کے پاس پہنچ جائے گا جب اسے دیکھے تو رسول اللہ (صلی اللہ علیہ وآلہ وسلم) کی بتائی صورت کے مطابق اسے پہچان لے گا، دجال اس سے کہے گا : تجھے کیا ہے ؟ مومن بندہ کہے گا : تو وہی دجال کذاب ہے تیرے بارے میں رسول اللہ (صلی اللہ علیہ وآلہ وسلم) نے ڈرایا ہے، دجال اس سے کہے گا : (اچھا) تو یوں کہتا ہے ! وہ کہے گا : ہاں۔ دجال اسے کہے گا : میری بات مان لے ورنہ میں تیرے دوٹکڑے کردوں گا۔
(یہ سن کر وہ) مومن بندہ باۤوازبلند کہے گا : لوگو ! یہ خیر سے محروم کذاب ہے جس نے اس کی نافرمانی کی اس کے لیے جنت ہے اور جس نے اس کی بات مانی وہ جہنمی ہے دجال اسے کہے گا : میں تجھے پھر کہتاہوں : میری بات مان لے ورنہ تیرے دوٹکڑے کردوں گا : پھر دجال اپنا پاؤں بڑھائے گا اور تلوار اس کی کمر پر رکھ کر اس کے دوٹکڑے کردے گا، دجال جب یوں کرلے گا تو اپنے ماننے والوں سے کہے گا : بتاؤ ! میں اگر اسے زندہ کرلوں تو تمہیں یقین نہیں ہوجائے گا کہ میں تمہارے رب ہوں ؟ وہ کہیں گے : کیوں نہیں، چنانچہ وہ اس کے ایک ٹکڑے کو مارے گا یا اپنے پاس والی مٹی مارے گا تو وہ سیدھا کھڑا ہوجائے گا۔ جب اس کے ماننے والے اسے دیکھیں گے تو اس کی تصدیق کریں گے اور انھیں یقین ہوجائے گا کہ یہی ان کا رب ہے تو اس کی بات مانیں گے اور اس کی پیروی کرلیں گے۔
پھر وہ مومن سے کہے گا : کیا تیرا مجھ پر (اب بھی) ایمان نہیں ؟ مومن اس سے کہے گا : اب تو مجھے تیرے بارے میں پہلے سے زیادہ بصیرت حاصل ہوگئی، پھر لوگوں میں اعلان کرے گا : خبردار ! یہی خیر سے محروم دجال ہے جس نے اس کا کہا مانا وہ جہنم میں جائے گا اور جس نے اس کی نافرمانی کی وہ جنت میں جائے گا دجال کہے گا : اس کی قسم جس کی قسم کھائی جاتی ہے ! تم میری بات مان لوورنہ میں تمہیں ذبح کردوں گا یا جہنم میں ڈال دوں گا، مومن کہے گا : اللہ کی قسم ! میں کبھی تیری بات نہیں مانوں گا، تو اسے لٹانے کا حکم دیا جائے گا، تو اللہ تعالیٰ اس کی گردن اور ہنسلی تک تانبے کے دوپترے بنادے گا (دجال) اسے ذبح کرنے لگے گا لیکن نہ کرسکے گا اور نہ قتل کے بعد اب اس پر اس کا بس چل سکے گا، تو اسے ہاتھ پاؤں سے پکڑ کر جنت میں پھینک دے گا جو گرد و غبار اور دھواں ہوگا جسے وہ جہنم سمجھ رہا ہوگا۔ تو یہ شخص میری امت میں سے درجہ میں میرے سب سے زیادہ نزدیک ہوگا۔ (حاکم عن ابی سعید)