٣٨٧٨٨۔۔۔ ہر نبی نے اپنی امت کو دجال سے ڈرایا میں بھی تمہیں اس سے ڈراتا ہوں، وہ کانا ہوگا اس کی آنکھ کا ڈھیلا ابھرا ہوگا مخفی نہیں ہوگا گویا کسی دیوار پر رینٹ ہے اور اس کی بائیں آنکھ گویا چمکتا ستارہ ہے اس کے ساتھ جہنم وجنت جیسی چیز ہوگی اس کی جنت گرد آلود دھواں دار ہوگی اور اس کا جہنم سبز باغ ہوگا۔ اس سے پہلے دو شخص ہوں گے جو بستی کے لوگوں کو ڈرائیں گے جب وہ کسی بستی سے نکلیں گے کہ (دجالیوں کے) پہلے لوگ داخل ہوجائیں گے پھر دجال ایک شخص پر مسلط ہوگا اس کے علاوہ کسی پر اس کا بس نہیں چلے گا، وہ اسے ذبح کرکے لاٹھی مار کے کہے گا : اٹھ ! وہ اٹھے گا، اپنے ساتھیوں سے (دجال) کہے گا : تمہارے کیا رائے ہے ؟ تو وہ اس کے لیے شرک کی گواہی دیں گے توج سے ذبح کیا تھا وہ کہے گا : لوگو ! یہ خیر سے محروم دجال ہے جس سے ہمیں رسول اللہ (صلی اللہ علیہ وآلہ وسلم) نے ڈرایا تھا اللہ کی قسم ! مجھے تمہارے بارے میں زیادہ بصیرت حاصل ہوگئی ہے۔ تو دجال اسے دوبارہ ذبح کرکے اپنی لاٹھی سے مار کرک ہے گا : اٹھ ! وہ اٹھ کھڑا ہوگا، (دجال) اپنے ساتھیوں سے کہے گا : تمہاری کیا رائے ہے ؟ وہ اس کے لیے شرک کی گواہی دیں گے تو مذبوح شخص کہے گا : لوگو ! یہ وہی خیر سے محروم دجال ہے جس کے بارے میں رسول اللہ (صلی اللہ علیہ وآلہ وسلم) نے ہمیں ڈرایا تھا، مجھے تیرے بارے زیادہ بصیرت حاصل ہوچکی ہے، تو دجال اسے چوتھی مرتبہ ذبح کرنے آگے بڑھے گا لیکن اللہ تعالیٰ اس کی گردن پر تانبے کا پترا لگادے گا دجال ذبح کرنا چاہے گا لیکن ذبح نہ کرسکے گا۔ (عبدبن حمید، ابویعلی، ابن عساکر عن ابی سعد)