٣٨٧٩٠۔۔۔ میرے ہوتے اگر وہ (دجال) نکل آیا تو میں اس کا مقابلہ کروں گا اور اگر میری عدم موجودگی میں نکلا تو ہر آدمی خود مقابلہ کرے گا اور میری طرف سے اللہ تعالیٰ ہر مسلمان پر خلیفہ ہے، سن رکھو ! اس کی آنکھ سپاٹ ہوگی جیسے وہ عبدالعزی بن قطن خزاعی کی آنکھ ہے، آگاہ رہنا ! اس کی پیشانی پر ” کافر “ لکھا ہوگا جسے ہر مسلمان پڑھ لے گا، جو کوئی تم میں سے اس سے ملے تو وہ سورة کہف کی ابتدائی آیات اس کے سامنے پڑھ دے۔ خبردار ! میں نے اسے دیکھ لیا وہ شام و عراق کے درمیانی علاقہ میں نکلا، دائیں بائیں پھرا، اللہ کے بندو ! ثابت قدم رہنا (تین بار فرمایا) کسی نے عرض کیا : یا رسول اللہ ! وہ زمین میں کتنا رہے گا : آپ نے فرمایا : چالیس روز، ایک دن سال جیسا اور ایک دن جمعہ جیسا اور اس کے باقی دن تمہارے ان دنوں کی طرح ہوں گے۔ لوگوں نے عرض کیا : یارسول اللہ ! اس وقت ہم لوگ نمازیں کیسے پڑھیں گے، کیا ایک دن کی نماز ہوگی یا اندازہ لگائیں گے ؟ آپ نے فرمایا : بلکہ اندازہ لگائیں گے ؟ آپ نے فرمایا : بلکہ اندازہ لگاؤ گے۔ (طبرانی فی الکبیر وابن عساکر عن عبدالرحمن بن جبیر ابن نفیر عن ابیہ عن جدہ ان رسول اللہ (صلی اللہ علیہ وآلہ وسلم) ذکر الدجال فقال ۔ فذکرہ)