٣٨٨١٠۔۔۔ دجال کے بارے میں تمہیں اشتباہ نہ ہو، کیونکہ اللہ تعالیٰ کانا نہیں وہ نکلے گا اور زمین میں چالیس دن رہے گا کعبہ، بیت المقدس اور مدینہ کے علاوہ ہر جگہ جائے گا۔ مہینہ جمعہ کی طرح، جمعہ دن جیسے ہوگا اور اس کے ساتھ جنت و دوزخ ہوگا اس کی جنت، دوزخ ہے اور دوزخ جنت ہے، اس کے ساتھ روٹی کا پہاڑ اور پانی کی نہر ہوگی۔ وہ ایک شخص کو بلائے گا جس پر اللہ تعالیٰ اسے مسلط نہیں کرے گا، کہے گا : تو میرے بارے میں کیا کہتا ہے ؟ وہ کہے گا : تو اللہ کا دشمن اور جھوٹا دجال ہے، وہ آرا منگوائے گا اور اسے اس کے سر کے برابر رکھ کر اس کے دو ٹکڑے کردے گا، وہ زمین پر گرپڑے گا، پھر اسے زندہ کرے گا، کہے گا : تو میرے بارے میں کیا کہتا ہے ؟ وہ کہے گا : اللہ کی قسم ! مجھے تیرے بارے میں پہلے زیادہ بصیرت نہ تھی، تو اللہ کا دشمن دجال ہے جس کے بارے میں ہمیں رسول اللہ (صلی اللہ علیہ وآلہ وسلم) نے خبردی تھی چنانچہ دجال اپنی تلوار لے کر اس کی طرف بڑھے گا لیکن کچھ کر نہ سکے گا توک ہے گا : اسے مجھ سے دورکردو۔ (طبرانی فی الکبیر عن ابن عمر)