٣٨٨٦٩۔۔۔ یاجوج ماجوج روزانہ دیوار کو کھودتے ہیں، جب اس میں سے سورج کی شعاع دیکھتے ہیں تو ان کا سردار کہتا ہے : چلو باقی کل کھودیں گے، تو (دوسرے دن) اللہ تعالیٰ اسے پہلے سے مضبوط کردیتے ہیں پھر جب سورج کی شعاع دیکھتے ہیں تو ان کا سردار کہتا ہے : چلو انشاء اللہ کل کھودیں گے، تو جب لوٹیں گے تو اسے اسی حالت میں پائیں گے پھر اسے کھود کر لوگوں کی طرف آجائیں گے، پانی (پیکر) خشک کردیں گے لوگ ان کے شر سے بچنے کے لیے قلعہ بند ہوجائیں گے وہ آسمان کی طرف اپنے تیر پھینکیں گے تو وہ خون آلود ہو کر ان کی طرف لوٹیں گے وہ کہیں گے : ہم نے زمین والوں کو ہلاک کردیا اور آسمان والوں پر غالب آگئے۔ اللہ تعالیٰ ان پر نغف کیڑا بھیجے گا جو ان کی گدی میں چپک جائے گا جس سے وہ ہلاک ہوجائیں گے۔
اس ذات کی قسم ! جس کے قبضہ قدرت میں میری جان ہے ! زمین کے کیڑے مکوڑے ان کے خون سے موٹے ہوں گے اور ان کے گوشت سے پلیں بڑھیں گے۔ (مسند احمد، ابن ماجہ، حاکم عن ابوہریرہ )