٣٨٩٦٣۔۔۔ مومن جب اپنی قبر سے نکلے گا تو اس کا عمل اچھی صورت میں سامنے آئے گا، مومن اس سے کہے گا، تو کون ہے ؟ اللہ کی قسم تو مجھے تو نیک شخص لگتا ہے وہ کہے گا : میں تیرا عمل ہوں، تو وہ اس کے لیے جنت تک جانے کے واسطے نور اور راہنما ہوگا۔ اور کافر جب اپنی قبر سے نکلے گا تو اس کا عمل بری صورت اور بری نوید میں ظاہر ہوگا وہ کہے گا : اے تو کون ہے ؟ اللہ کی قسم ! تو مجھے برا آدمی معلوم ہوتا ہے۔ وہ کہے گا : میں تیرا عمل ہوں، پھر اسے لے چلے گا یہاں تک کہ جہنم میں داخل کرکے چھوڑدے گا۔ ابن جریر عن قتادہ مرسلاً )