٣٨٩٦٩۔۔۔ قیامت کے روز اللہ تعالیٰ لوگوں کو جمع کرے گا، پھر ایک اعلان کرنے والا اعلان کرے گا : لوگو ! کیا تم اپنے اس رب سے راضی نہیں جس نے تمہیں پیدا کیا، تمہیں صورتیں بخشیں تمہیں رزق دیا، کہ ہر انسان کو اس کے حوالے کردیا جائے جس کی وہ دنیا میں عبادت (تعظیم پکارنذرو نیازدیا) کرتا تھا اور جس سے محبت کرتا تھا ؟ کیا یہ تمہارے رب کی طرف سے انصاف نہیں ؟ لوگ کہیں گے : کیوں نہیں ! پھر تم میں سے ہر انسان (اپنے معبود کے پیچھے) چل پڑے گا۔