٣٩٠١٧۔۔۔ اللہ تعالیٰ مومن کو اپنے قریب کرکے اس پر اپنا پردہ (رحمت) ڈالے گا اور لوگوں سے اسے چھپالے گا اور اس سے اس کے گناہوں کا اقرار لے گا، اللہ تعالیٰ فرمائیں گے : کیا فلاں گناہ جانتے ہو ! ؟ فلاں گناہ پہچانتے ہو ؟ !
کیا فلاں گناہ پہچانتے ہو ؟ وہ عرض کرے گا : جی ہاں اے میرے رب ! یہاں تک کہ اللہ تعالیٰ اس سے گناہوں کا اقرار لے گا اور وہ دل ہی دل میں سمجھے گا کہ وہ ہلاک ہوگیا، اللہ تعالیٰ فرمائے گا : میں نے دنیا میں تجھ پر پردہ ڈالے رکھا اور آج (آخرت میں) تیرے گناہ بخشتا ہوں، پھر اس کی نیکیوں کا اعمال نامہ اس کے دائیں ہاتھ میں دیا جائے گا۔
رہا کافر اور منافق تو گواہ کہیں گے یہ وہ لوگ ہیں جنہوں نے اپنے رب کے بارے میں جھوٹ بولا، سنو ! ظالموں پر اللہ تعالیٰ کی لعنت ہے۔ (مسند احمد، بخاری نسائی، ابن ماجہ عن ابن عمر)