٣٩٠٣٧۔۔۔ قیامت کے روز لوگوں کو پل صراط پر اٹھایا جائے گا تو اس کے دونوں پہلوؤں سے لوگ ایسے جہنم میں گریں گے جیسے پروانے آگ میں گرتے ہیں، پھر اللہ تعالیٰ اپنی رحمت سے جسے چاہے گا نجات دے گا اس کے بعد فرشتوں، انبیاء صدیقین اور شہدا کو سفارش کی اجازت دی جائے گی چنانچہ وہ سفارش کریں گے اور لوگوں کو نکالیں گے اور سفارش کریں اور لوگوں کو نکالیں گے، یہاں تک کہ جہنم میں کوئی ایسا باقی نہیں رہے گا جسکے دل میں ذرہ برابر بھی ایمان ہو (مسند احمد، طبرانی عن ابی بکرۃ)