٣٩١٠٤۔۔۔ قیامت کے دن زمین رحمن تعالیٰ کی عظمت کی وجہ سے پھیلا دی جائے گی پھر انسانوں کے لیے صرف قدم رکھنے کی جگہ ہوگی پھر سب سے پہلے مجھے بلایا جائے گا اس کے بعد میں سجدہ ریز ہوں گا پھر مجھے اجازت دی جائے گی میں کھڑے ہو کر کہوں گا : اے میرے رب ! اس (جبرئیل) نے مجھے بتایا کہ آپ نے اسے میری طرف بھیجا ہے۔ وہ اس وقت رحمن تعالیٰ کی دائیں جانب ہوگا، اللہ کی قسم ! اس سے پہلے جبرائیل نے کبھی (اللہ تعالیٰ ) کو نہیں دیکھا ہوگا۔ جبرائیل خاموش کھڑے کچھ بول نہیں رہے ہوں گے۔ یہاں تک اللہ تعالیٰ (خود ہی) فرمائیں گے : اس نے (جو کچھ کہا) سچ کہا، اس کے بعد مجھے شفاعت کی اجازت ہوگی۔ پس میں کہوں گا : اے میرے رب ! تیرے بندے ہیں جنہوں نے زمین کے گرد و نواح میں تیری عبادت کی ہے۔ یہی مقام محمود ہے۔ (حاکم عن جابر)